Շիական «Հըզբոլլահ» շարժումն առաջին անգամ Իսրայելի հյուսիսում տարհանման մասին հրաման է արձակել։ Այս մասին հայտնում է կատարական Al Jazeera հեռուստաալիքը։
Լրագրողների տվյալներով՝ նախազգուշացումը վերաբերում է Իսրայելի հյուսիսում գտնվող 25 բնակավայրերին, որոնք գտնվում են Լիբանանի հետ սահմանից երեքից 22 կմ հեռավորության վրա, որտեղ ապրում է Իսրայելի մոտ 200 հազար քաղաքացի։
«Հըզբոլլահ»-ն ասել է, որ խնդրո առարկա բնակավայրերը դարձել են ռազմական հենակետեր, որտեղ իսրայելական ուժերը տեղակայված են Լիբանանի վրա հարձակումներ իրականացնելու համար:
«Ձեզ խնդրում են անհապաղ տարհանվել։ Ձեր բնակեցված տարածքները դարձել են Լիբանանի վրա հարձակվող թշնամական ուժերի գտնվելու վայրը և բնակավայրը, ինչի արդյունքում դրանք դարձել են օրինական ռազմական թիրախներ Իսլամական Դիմադրության օդային և հրթիռային ուժերի համար»,- ասվում է լիբանանյան շարժման նախազգուշացման մեջ։
© «Հրապարակ օրաթերթ»