Բելգիայի պաշտպանության նախարար Թեո Ֆրանկենը չի բացառել, որ մինչև տարեվերջ Բրյուսելի փողոցներում կհայտնվեն ռազմական պարեկային խմբեր՝ քաղաքում հանցագործությունների մակարդակի աճի պատճառով։
«Հնարավո՞ր է զորքեր տեղակայել փողոցներում մինչև տարեվերջ։ Ես չեմ ասել «այո», բայց նաև «ոչ» չեմ ասել», – ասել է Ֆրանկենը բելգիական Soir թերթին տված հարցազրույցում։ 2024 և 2025 թվականներին Բրյուսելում հանցագործության իրավիճակը կտրուկ վատթարացել է՝ շաբաթական մի քանի անգամ կրակոցներ են տեղի ունենում, իսկ մայրաքաղաքի փողոցներում կտրուկ աճել են գողությունները և բռնությունները։