«Բյուջեն բավականին երկար քննարկվել է, բազմաթիվ հարցեր ու մտահոգություններ ենք ներկայացրել: Հարցերին չեն պատասխանել, մտահոգությունները չեն փարատել, փոխարենը պնդում են, որ հասարակությունը զգում է ամենօրյա բարեկեցության շոշափելի իրականությունը»,- 2026թ. բյուջեի նախագծի փոփոխված տարբերակի քննարկման ժամանակ հայտարարեց ԱԺ «Հայաստան» խմբակցության պատգամավոր Արթուր Խաչատրյանը: Նրա խոսքով՝ բնակչության 75 տոկոսը ստանում է միջինից շատ ավելի ցածր աշխատավարձ. բնակչության մեծամասնության աշխատավարձը 100-ից 200 հազար դրամի շրջանակներում է: Մեծամասնությունը դրական արդյունքը չի զգում:
«Բնակչության 75 տոկոսը ստանում է միջինից շատ ավելի ցածր աշխատավարձ». Արթուր Խաչատրյան
