Երևանի ավագանու «Ազգային առաջընթաց» խմբակցության անդամ Հովսեփ Կուբատյանը ֆեյսբուքյան էջում տեսանյութ է հրապարակել՝ կից գրելով․
«Թե բա օդը կեղտոտ է. Դեկտեմբերի 14․ Քանաքեռ։ Նոր հիմնանորոգված մանկապարտեզի բակ։ Շուրջբոլորը շինարարություն։ Ոչ մի փոշեկլանիչ ցանց։ Բակում ոռոգման ցանց կա, ոռոգման ջուր չկա։ Ոչ մի բուսականություն, ամբողջը հող, բացի մի քանի ծառից։ Ու մեկ էլ դեկտեմբերի 14-ին մարդիկ (երևի) որոշում են ծառերը էտեն, էն էլ նենց էտեն, որ այդ ծառերը, եթե ապրեն էլ՝ իրանց ֆունկցիան՝ հովը և փոշուց մի թեթև պաշտպանելը էլ չեն կատարելու։ Թե բա օդը կեղտոտ է, բայց հիմնականում մարդածին չէ։ Իյա՞, իրո՞ք»։