Հայաստանը հայտարարում է, որ աջակցում է ՀԱՊԿ-ի բոլոր որոշումներին և մնում է կազմակերպության անդամ, ասուլիսի ընթացքում այս մասին ասել է ՌԴ նախագահ Վլադիմիր Պուտինը։
«ՀԱՊԿ աշխատանքներին մասնակցելու վերաբերյալ Հայաստանի դիրքորոշումը նրա ընտրությունն է, կազմակերպության անդամ երկրները դրան հարգանքով են վերաբերվում»,- հայտարարել է Ռուսաստանի նախագահը։ Ինչ վերաբերում է Հայաստանի դիրքորոշմանը, ապա այս դիրքորոշումը նույնպես հայտնի է, նշել է ՌԴ նախագահը։ «Դա այն է, ինչ մեզ ասում են մեր հայ գործընկերները։ Նրանք ասում են, որ մենք աջակցում ենք ՀԱՊԿ-ում կայացված բոլոր որոշումներին, մենք մեզ համարում ենք ՀԱՊԿ անդամ, բայց այս փուլում մենք ձեռնպահ ենք մնում կազմակերպության նիստերին մասնակցելուց։ Դե, դա նրանց ընտրությունն է, այնպես որ, եթե նրանք հնարավոր են համարում առայժմ այսպես աշխատել, ապա մենք համաձայն ենք, քանի որ նրանք կազմակերպության անդամ են, մենք կապի մեջ ենք նրանց հետ», – լրագրողներին ասել է Պուտինը։