Սովի խնդիրը Սուդանում, Հարավային Սուդանում, Հայիթիում և Մալիում հատկապես մտահոգիչ է, իսկ Գազայի հատվածում մոտավորապես 2 միլիոն մարդ սովամահության վտանգի տակ է «ՌԻԱ Նովոստիին» ասել է ՄԱԿ-ի Պարենի և գյուղատնտեսության կազմակերպության (FAO) Ռուսաստանում գրասենյակի տնօրեն Օլեգ Կոբյակովը։
«Ամենամեծ մտահոգության առարկա երկրներն են Պաղեստինը (Գազայի հատված), Սուդանը, Հարավային Սուդանը, Հայիթին և Մալին։ Այս երկրների բնակչությունն արդեն իսկ բախվում է սովի, սովի վտանգի կամ խիստ պարենային անապահովության աղետալի մակարդակի հետ»,- ասել է Կոբյակովը։ Նա ընդգծել է, որ Գազայում մոտավորապես 2 միլիոն մարդ սովամահության վտանգի տակ է։