«Մեքենաների թվի հետ կապված պրոբլեմ ունենք։ Երեկ անձամբ ականատես եղա՝ 18։20-ին Երևանի կենտրոնում ինչ է կատարվում։ Չէի կարող մտածել, որ կարող է ժամ լինել, որ նույնիսկ հեծանվով հնարավոր չլինի անցնել․․․դա սարսափելի էր, քաոս էր»,- Կառավարության նիստում էլեկտրական շարժիչով աշխատող տրանսպորտային միջոցների ներմուծումը խթանելուն ուղղված նախագծի քննարկման ժամանակ ասաց ՀՀ վարչապետ Նիկոլ Փաշինյանը:
«Ես հեծանվով Կառավարության շենքից Բաղրամյան 26 հասնելու պրոբլեմ ունեի խցանման պատճառով։ Մեքենաները բերում, բերում, բերում․․․որտե՞ղ են տեղավորվելու էդ մեքենաները»,- ասաց Փաշինյանը՝ նշելով, որ հանձնարարել է ճգնաժամային խումբ ստեղծել այս ուղղությամբ աշխատելու համար: