«Մեր ձևով» շարժման հաշվետու ժողովի ժամանակ փաստաբան Արամ Վարդևանյանն ասաց, որ երեկ տեսակցել է գործարար Սամվել Կարապետյանին։ Նա ընթերցեց Կարապետյանի ուղերձը․
«Արդեն ակնհայտ է, որ մեր շարժումը հայտնվել է հասարակական կյանքի ուշադրության կենտրոնում, զգալի փոփոխություններ է բերել երկրի քաղաքական կյանքում․ դա ձեր ձեռքբերումն է․ սա բոլորիս ձեռքբերումն է ու պետք է դառնա հայ ժողովրդի ձեռքբերումը։ Պատիվ եմ համարում, որ հազարավոր արժանի մարդիկ միացել են շարժմանն ու զինակից են դարձել մեզ։ Գիտեմ նաև, որ ընդլայնման ու համաժողովրդական շարժում դառնալու ներուժ ունենք։ Չենք նահանջելու, կանգ չենք առնելու ու մեր ժողովրդի հետ միասին ՀՀ-ն դարձնելու ենք աշխարհի ամենալավ, բարեկեցիկ ու երջանիկ երկիրը։ Անելու ենք մեր ձևով»։