Fox հեռուստաալիքին տված հարցազրույցում Ուկրաինայի նախագահ Զելենսկին հայտարարել է, որ Ուկրաինայի զինված ուժերը ամերիկյան հեռահար Tomahawk հրթիռները կօգտագործեն միայն ռազմական թիրախներ խոցելու համար։ ԱՄՆ նախագահ Դոնալդ Թրամփը դեռևս չի հաստատել հրթիռների մատակարարումը, գրում է DW-ն։
Հոկտեմբերի 12-ին Զելենսկին հարցազրույցում հայտարարել է, որ եթե Միացյալ Նահանգները Ուկրաինային տրամադրի հեռահար գործողության Tomahawk թևավոր հրթիռներ, դրանք չեն օգտագործվի ռուս խաղաղ բնակիչների վրա հարձակվելու համար։ «Միայն ռազմական թիրախներ։ Մենք երբեք չենք հարձակվում նրանց քաղաքացիական բնակչության վրա», – ասել է Զելենսկին կիրակնօրյա ճեպազրույցի ծրագրում։