Իսրայելի բանակի (ՑԱՀԱԼ) շտաբի պետ, գեներալ-լեյտենանտ Էյալ Զամիրը տեսաուղերձում հայտարարել է, որ վերջին երկու տարիներին ՀԱՄԱՍ-ի վրա գործադրված ռազմական ճնշումը՝ զուգակցված «լրացուցիչ դիվանագիտական քայլերով», հանգեցրել է խմբավորման նկատմամբ «հաղթանակի», հաղորդում է Times of Israel-ը։
«Մենք շարունակելու ենք գործել՝ ձևավորելու անվտանգության այն իրականությունը, որը կապահովի, որ Գազայի հատվածից Իսրայելի և նրա քաղաքացիների համար վտանգ չլինի,- ասել է Զամիրը։- Պատանդներին վերադարձնելով՝ մենք հասնում ենք այն կարևոր նպատակներից մեկին, որի համար սկսել ենք պատերազմը։ Դա ազգային, բարոյական և հրեական պարտավորություն է»։
Զամիրը հավելել է, որ Իսրայելի պաշտպանության բանակի գործողությունները փոխում են իրավիճակը Մերձավոր Արևելքում և Իսրայելի անվտանգության ռազմավարությունն առաջիկա տարիների համար»։