«Երեկ իրավապահները լծված էին եկեղեցու դեմ արշավին։ Չէինք կողմնորոշվում, թե որ դատարան գնանք։ Արդյունքում ամեն տեղ մի քանի հոգի էր ընդամենը հավաքվում։ Սրանք պատահական չեն»,- Բագրատ Սրբազանի և մյուսների գործով դատական նիստից առաջ ասաց Արցախի ԱԺ պատգամավոր Մետաքսե Հակոբյանը։ «Այնպես են անում, որ հասարակությունը չկողմնորոշվի և ուժերի մոբիլիզացիա տեղի չունենա»,- ասաց Հակոբյանը՝ նշելով, որ լուծումը պետք չէ դրվագների մեջ փնտրել, ելքը համախմբվածությունն է։
