Կիրակի՝ նոյեմբերի 30-ին, կայացած Ղրղզստանի արտահերթ խորհրդարանական ընտրությունների նախնական արդյունքների համաձայն, գործող նախագահ Սադիր Ջապարովի կողմնակիցները հաղթանակ են տարել: Այս մասին հաղորդում է Reuters-ը: Գործակալությունը չի մանրամասնել, թե քանի տեղ են նրանք նվաճել:
Տեղական «Կակտուս» հրատարակության տվյալներով՝ տեղական ժամանակով ժամը 19:00-ի դրությամբ ընտրոություններին մասնակցել են ընտրողների ավելի քան 34%: Հղում անելով Ղրղզստանի Կենտրոնական ընտրական հանձնաժողովի (ԿԸՀ) տվյալներին, Reuters-ը նշում է, որ նախնական գնահատականները ցույց են տալիս, որ Ջապարովի աջակիցները հաղթել են բոլոր տեղերում, բացառությամբ մի քանիսի: 90 տեղերից 50-ը կարող են բաժին հասնել նախորդ գումարման պատգամավորներին, հայտնում է տեղական 24.kg լրատվական պորտալը: Ավելին, ըստ ղրղզական լրատվամիջոցների՝ թեկնածուների մեծ մասը առաջադրվել էր որպես անկախ թեկնածու, թաքցնելով կուսակցական պատկանելությունը։