SHAMSHYAN.com-ի տեղեկություններով՝ նոյեմբերի 27-ին արտառոց դեպք է տեղի ունեցել Երևանում։ Ժամը 14։20-ի սահմաններում ՀՀ Ներքին գործերի նախարարությայն ոստիկանության համայնքային ոստիկանության գլխավոր վարչության Կենտրոնական բաժին է դիմել մարզերից մեկի բնակիչ 25-ամյա Ա․ Զ․-ն և հայտնել, որ «Կասկադ» համալիրում ընկերոջ Հ․ Կ․-ի հետ գրկախառնվելուց հետո նկատել է, որ իրեն անհայտ պայմաններում ընկերը պարանոցի վրայից գողացել է ոսկյա վզնոցը և խաչը։ Ինչպես հայտնում է ֆոտոլրագրող Գագիկ Շամշյանը, ոստիկանության Կենտրոնական բաժնի ծառայողների կողմից ձեռնարկվում են միջոցառումներ՝ հանցանքը կատարած անձի ինքնությունը պարզելու, վերջինիս և գողոնը հայտնաբերելու ուղղությամբ։
Դեպքի փաստով ոստիկանության Կենտրոնական բաժնում կազմվել են փաստաթղթեր, որոնք փոխանցվել են ՀՀ քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական բաժին։