Կոնկրետ առաջարկ եմ անում Ադրբեջանի նախագահ Իլհամ Ալիևին։ Ֆեյսբուքյան տեսանյութում ասել է «Միասնության թեւեր» քաղաքական նախաձեռնության ղեկավար Արման Թաթոյանը։
«Այսօրվա իր ելույթում նա Հայաստանին մեղադրել է բազմաթիվ սարսափելի իբր միջազգային հանցագործությունների մեջ, պարզ երևում է, որ ուզում են զավթել, վերացնել Հայաստանը, իսկ քանի որ Հայաստանից պատասխան չկա, որովհետև Նիկոլ Փաշինյանն ու ՔՊ–ն զբաղված են երկրի ներսում անօրինականություններով, ես եմ տալիս պատասխանը։ Ադրբեջանի նախագահին անում եմ կոնկրետ առաջարկ՝ եթե դուք այդքան վստահ եք, որ մենք կատարել ենք այդ սարսափելի հանցագործությունները, որը վստահաբար այդպես չէ, եկեք դիմենք Միջազգային քրեական դատաան։ Դուք դիմեք մեր դեմ, մենք կդիմենք ձեր դեմ։ Վավերացրեք Միջազգային քրեական դատարանի կանոնադրությունը կամ գտեք մի երկիր, որ արդեն վավերացրել է և թող դիմի ձեր օգտին։ Սրանք են արդարության եւ խաղաղության հաստատմանն ուղղված ծրագրերը»,– ասել է Թաթոյանը։