Գերմանիայի իշխող «սև-կարմիր կոալիցիան» կանցլեր Ֆրիդրիխ Մերցի գլխավորությամբ շարունակում է կորցնել բնակչության աջակցությունը։ Bild am Sonntag շաբաթաթերթի պատվերով INSA հարցումների ինստիտուտի կողմից անցկացված հարցման արդյունքները հրապարակվել են հրատարակության կայքում շաբաթ օրը՝ դեկտեմբերի 6-ին։ Գրում է DW-ն։ Այս տվյալների համաձայն, հարցվածների 70%-ը նշել է, որ դժգոհ է կոալիցիայի աշխատանքից: Կոալիցիայի մեջ են մտնում Քրիստոնեա-դեմոկրատական միությունը, Քրիստոնեա-սոցիալական միությունը և Գերմանիայի սոցիալ-դեմոկրատական կուսակցությունը:
Հարցվածների միայն 21%-ն է գոհունակություն հայտնել: Սա ինստիտուտի կողմից գրանցված ամենավատ ցուցանիշն է «մեծ կոալիցիայի» իշխանության գալուց ի վեր: Եվս 9%-ը չի պատասխանել հարցին: Հարցվածների միայն 23%-ն է աջակցել կանցլերի գործունեությանը, ինչը ևս մեկ նոր ցածր ցուցանիշ է։ Հարցվածների երկու երրորդից ավելին, կամ 68%-ը, բացասական է գնահատել նրա գործունեությունը։ Հարցումն անցկացվել է դեկտեմբերի 4-ին և 5-ին, որին մասնակցել է 1005 մասնակից։