Լուկաշենկոն նվերներ է ուղարկել Թրամփին ու նրա կնոջը

Բելառուսի նախագահ Ալեքսանդր Լուկաշենկոն ԱՄՆ նախագահ Դոնալդ Թրամփին նվիրել է սրբապատկեր, իսկ նրա կնոջը՝ Մելանիային՝ զարդ, հաղորդում է «Բելառուս 1» հեռուստաալիքը։ Նվերները հանձնվել են Բելառուսում ԱՄՆ հատուկ դեսպանորդ Ջոն Քոուլի միջոցով՝ դեկտեմբերի 12-13-ը տեղի ունեցած բանակցություններից հետո։ Հեռուստաալիքը բացատրել է, որ Լուկաշենկոն ԱՄՆ առաջին տիկնոջը նվիրել է բելառուսական մոտիվներով նրբագեղ զարդ, իսկ ամերիկացի առաջնորդին՝ Սուրբ Նիկողայոսին նվիրված հատուկ արժեք ունեցող քրիստոնեական սրբապատկեր։ Ռեպորտաժում նաև երևում է, թե ինչպես է Բելառուսի նախագահը Քոուլին մի քանի նվերների տուփեր հանձնում և նշում դրանց հասցեատերերին։ Լուկաշենկոն նաև հանձնարարել է ամերիկյան կողմին փոխանցել խմիչքներ։