Ամերիկացի միլիարդատեր Իլոն Մասկը OpenAI-ի դեմ իր դատական հայցում պնդել է, որ արհեստական բանականությունը (ԱԲ) կարող է հանգեցնել մարդկության կործանմանը, ինչպես պատկերված է «Տերմինատոր» (1984) ֆիլմում: «Մենք չենք ուզում, որ այն ավարտվի ինչպես «Տերմինատորը»։ Մենք ուզում ենք, որ այն ավարտվի ինչպես Ջին Ռոդդենբերիի «Աստղային ճանապարհը»», – նրա խոսքերն է մեջբերում Fortune ամսագիրը։ Մասկը նշել է, որ 2015 թվականին ինքը OpenAI-ի գործադիր տնօրեն Սեմ Ալտմանի հետ քննարկել է, թե ինչպես պաշտպանել արհեստական բանականությունը «վատ տղաներից» ։Մասկը և Ալտմանը, Իլյա Ստսուկեվերի, Գրեգ Բրոքմանի և մի քանի ուրիշների հետ միասին, հիմնադրել են OpenAI-ը 2015 թվականի դեկտեմբերին։ Մասկը եղել է ընկերության տնօրենների խորհրդի անդամ, բայց հեռացել է 2018 թվականին։ 2023 թվականի գարնանը նա հիմնադրել է xAI անվամբ արհեստական բանականության ստարտափ։ 2024 թվականի մարտին Մասկը դատական հայց է ներկայացրել OpenAI-ի և Ալտմանի դեմ՝ ընկերության առևտրայնացման վերաբերյալ։
Միլիարդատերը պնդում է, որ OpenAI-ի շահույթի վրա կենտրոնացումը, որը աջակցվում է ամերիկյան տեխնոլոգիական հսկա Microsoft-ի կողմից, հակասում է 2015 թվականի պայմանագրային համաձայնագրին, որը Մասկը ստորագրել է որպես համահիմնադիր։