Կառավարության այսօրվա նիստից հետո հրավիրված ասուլիսում Նիկոլ Փաշինյանին հարց ուղղվեց՝ ժամկետներ կա՞ն, թե երբ կհաստատվեն սահմանազատման-սահմանագծման վերաբերյալ փաստաթղթերը, որպեսզի աշխատանքները մեկնարկեն։ Փաշինյանն ի պատասխան ասաց, որ փաստաթղթերը պիտի ներպետական ընթացակարգեր անցնեն։ Ժամկետների մասին հստակ ոչինչ չասաց։ «Ժամկետների մասին չեմ կարող խոսել, որովհետեւ ընթացակարգերի հետ կապված նրբություններին շատ չեմ տիրապետում։ Այդ ամենը կարվի առանց շտապողականության, բայց նաեւ առանց արգելակման»,- նշեց նա։ Մանրամասները՝ տեսանյութում:
Հարցին, թե արդեն հստա՞կ է՝ սկզբում ԹՐԻՓՓ-ի հատվա՞ծն է սահմանազատվելու, հետո մյուս ուղղություննե՞րը, Նիկոլ Փաշինյանը պատասխանեց․ «Ենթադրենք՝ պետք է երկաթուղի անցնի, պետք է հստակ լինի՝ սահմանը որտեղ է, որն է Հայաստանի պատասխանատվության գոտին եւ որը Ադրբեջանինը»։