Այս պահին ԱՄՆ զինված ուժերում տարբեր, այդ թվում՝ բարձր պաշտոններում ծառայում է մոտ 15,000 տրանսգենդեր։ Սակայն Թրամփը մտադիր է բժշկական ստուգումների արդյունքներով նրանց զրկել ուսադիրներից՝ որպես ծառայության համար ոչ պիտանի։
Իր պաշտոնավարման առաջին ժամկետում Թրամփը հայտարարեց, որ ԱՄՆ-ն այլևս չի ընդունի տրանս մարդկանց բանակում՝ վկայակոչելով «հսկայական բժշկական ծախսերը և խանգարումները», – գրել է նա 2017 թվականին: Արգելքն ուժի մեջ է մտել 2019 թվականին:
Նախագահ Ջո Բայդենը հակադարձեց այդ քաղաքականությունը, որը մի քանի հայցերի առարկա էր։ Այժմ ակնկալվում է, որ Թրամփը անմիջապես կչեղարկի Բայդենի հրամանը և ավելի հեռուն կգնա՝ հեռացնելով ներկայումս ծառայող բոլոր տրանսգենդեր զինծառայողներին, հայտնում է The Times-ը՝ հղում անելով նորընտիր նախագահի ծրագրերին ծանոթ աղբյուրներին: