Իսրայելի կառավարությունը հավանություն է տվել Լիբանանի հետ հրադադարի համաձայնագրին։
Այսօր երեկոյան նախարարների կաբինետ կներկայացնենք հրադադարի մասին համաձայնագիր՝ պահպանելով ռազմական գործողությունների լիակատար ազատությունը, ասել է Իսրայելի վարչապետ Բենիամին Նեթանյահուն:
Եթե «Հըզբոլլահը» խախտի պայմանավորվածությունը, Իսրայելը պատասխան հարված կհասցնի։ Հրադադարի երեք պատճառ կա, որոնցից մեկն իրանական սպառնալիքի վրա կենտրոնացումն է, ասել է Նեթանյահուն:
Հրադադարի մասին խոսացել է նաև
ԱՄՆ նախագահ Ջո Բայդենը, ով հեռախոսազրույց է ունեցել Լիբանանի և Իսրայելի վարչապետների հետ։
«Այսօր ես ուզում եմ լավ լուրեր հաղորդել Մերձավոր Արևելքից:
Հեռախոսազրույց եմ ունեցել Լիբանանի և Իսրայելի վարչապետների հետ, և ես ուրախ եմ տեղեկացնել, որ նրանք ընդունել են ԱՄՆ-ի առաջարկը՝ վերջ դնել Իսրայելի և «Հըզբոլլահի» միջև կործանարար հակամարտությանը»,- գրել է Բայդենը X-ի իր էջում։
Սպասվում է, որ այսօր Բայդենը կհայտարարի Իսրայելի և Հեզբոլլահի (Լիբանանի) միջև զինադադարի մասին. Երևանի ժամանակով ժամը 23:00-ին սպասվում է նրա ուղերձը։