Արթուր Ավանեսյանի «քրեական գործի» բացակայության, բայց ապօրինի, քաղաքական կալանքի առկայության մասին է խոսել «Ուժեղ Հայաստան» կուսակցության անդամ, իրավապաշտպան Արամ Վարդևանյանը։ Նա նաև խոսել է իրավունքի գերակայության անհրաժեշտության, համաներման և համերաշխության մասին։
«Արթուր Ավանեսյանին առաջադրված մեղադրանքը, հարուցված վարույթը որևէ հիմք չունեն։ Արթուր Ավանեսյանի գաղտնալսումից հետո հրապարակված ձայնագրությունն ակնհայտորեն կենցաղային խոսակցություն է՝ մի քանի ամսվա վաղեմության, ինչը չէր կարող հանդիսանալ կալանքի հիմք»,- հայտարարել է փաստաբան Արամ Վարդևանյանը։ Նա նշել է, որ Արթուր Ավանեսյանի նկատմամբ քաղաքական կալանք է կիրառվել։