«Հինգ հարց հաջորդ վարչապետ Սամվել Կարապետյանին. ի՞նչ կանի նա 1 դրամ աշխատավարձով»
«Ուժեղ Հայաստան» կուսակցության առաջնորդ, բարերար Սամվել Կարապետյանի հետ հարցազրույցների շարքը շարունակվում է նույն կուսակցության անդամ Ալիկ Ալեքսանյանի հետ: Սամվել Կարապետյանը, անդրադառնալով իր թիմից հայտնի հետախույզ Կանդազի ձերբակալությանը, արձագանքել է․ «Այս իշխանության օրոք բոլոր հայրենասեր մարդիկ լինելու են թիրախում։ Մենք պետք է պատրաստ լինենք, որ այս իշխանությունը կատարում է դրսի պահանջները, կոնկրետ՝ Ալիևի պահանջները։ Բոլոր հայրենասեր մարդիկ թիրախում են։ Ինչը չկարողացավ անել Ալիևը և Ադրբեջանը 30 տարվա ընթացքում, իրենց հրամանով դա կատարեց Հայաստանի իշխանությունը, բայց շուտով՝ մեր հաղթանակից հետո, հերոսները նորից դառնալու են հերոս»։
Հաջորդ հարցին, թե Կառավարության առաջին նիստի հետ կապված արդյոք ունե՞ք պլաններ և ինչպե՞ս է ծախսելու Սամվել Կարապետյանը 1 դրամ աշխատավարձը, պատասխանել է․ «Քանի որ Փաշինյանը հունիսի 7-ից հետո հնարավորություն էլ չի ունենալու պարգևավճարներ ստանա, կառաջարկեմ, որպեսզի «վարչաբենդը» շարունակի իր գործունեությունը, ես ամեն ամիս 1 դրամ փոխանցելու եմ «վարչաբենդին»։ Եթե, իհարկե, իրենք ընդունեն, գուցե արդեն շա՞տ փող ունեն»։
Մանրամասն՝ տեսանյութում