Շենգավիթը ժամանակին արդյունաբերական կենտրոն է եղել, ցավոք, տնտեսական ամբողջ հզորությունը ժամանակի ընթացքում կորսվել է։ Այս մասին Շենգավիթում քաղաքացիների հետ հանդիպման ժամանակ ասել է «Ուժեղ Հայաստան» կուսակցության խորհրդի անդամ Նարեկ Կարապետյանը:
«Այսօր Շենգավիթը Երևանի ամենամեծ գործազրկություն ունեցող թաղամասերից է, Շենգավիթը պետք է վերածնունդ ապրի, այստեղ պետք է 24 ժամ աշխատանքը եռա, գործարանները պետք է բացվեն նոր տեխնոլոգինորով հագեցած սարքավորումներով։ Հայաստանը պետք է աշխարհին հայտնի լինի ոչ թե ծիրանով, ոչ թե կոնյակով, այլ հայ մտքի այլ գործերով։ Երբ այսօր զբոսնում էինք, տեսնում էինք խելացի, զարգացած մարդիկ, սակայն ենթակառուցվածքները 20-րդ դարի կեսերի ենթակառուցվածք են, մենք չենք ներդրել Երևանի մեջ գումարներ, չենք վերակառուցել, մեր փողոցները պետք է իրենց փայլը վերականգնեն, պետք է առաջնորդ, ով կբերի այդ փայլը։ Այս ամենն իրականություն կդառնա հունիսի 7-ի ընտրություններից հետո, երբ սկսվեն իրագործվել «Ուժեղ Հայաստանի» ծրագրերը»,-ասել է նա։