Ըստ Reuters-ի տվյալների՝ Պենտագոնի բարձրաստիճան ներկայացուցիչը ԱՄՆ Ներկայացուցիչների պալատի զինված ուժերի հանձնաժողովի անդամների համար անցկացված փակ ճեպազրույցի ժամանակ հայտարարել է, որ Հորմուզի նեղուցի ականազերծումը կարող է տևել առնվազն կես տարի: Միևնույն ժամանակ, ըստ նրա գնահատականի, դժվար թե հաջողվի սկսել նման աշխատանքները մինչև Իրանի հետ հակամարտության ավարտը:
Ինչպես նշում է The Washington Post-ը՝ հղում անելով իր աղբյուրներին, այդ գնահատականը կտրուկ արձագանք է առաջացրել մի շարք կոնգրեսականների շրջանում: Պարբերականը գրում է նաև, որ ռազմավարական կարևորություն ունեցող նեղուցում նավագնացության տևական արգելափակումը կարող է ստեղծել ոչ միայն տնտեսական հետևանքներ ԱՄՆ-ի համար՝ նավթի գների աճի պատճառով, այլև քաղաքական ռիսկեր հանրապետականների համար՝ հատկապես նոյեմբերին անցկացվելիք միջանկյալ ընտրությունների ֆոնին: